Vi kan gjennomføre det som Statnett kallar "omfattende elektrifisering", det vil seia utfasing av fossil energi utan ein einaste ny vindturbin i norsk natur.

Vi sendte 16.02.20 innlegg til Dagbladet, med overskrift "Vi må setja mål for frigjort energi", der vi argumenterer for at det ikkje er behov for nye kraftverk for å fase ut fossil energi. Vilkåret er kraftfull satsing på energisparing/ energieffektivisering. Vi viser også at det samfunnsøkonomisk er veldig lønsamt med satsing på energisparing i staden for den einsidige satsinga på ny energi. Innlegget er svar på ein kronikk med tittelen "Vi må sette mål på ny energi".

Selskapet Bindal Mining AS ønskjer å starte gruvedrift etter gull i Bogadalen i Bindal kommune. Gruveavfallet vil selskapet dumpe i Tosenfjorden, til stor skade for livet der. Restmassen vil slamme ned store område i botn av fjorden og har i tillegg eit stort innhald av Arsen. Naturvernforbundet nasjonalt og i Nordland, går sterkt mot planane, og sendte høyringsuttale til Bindal kommune 30.01.2020. 

Naturvernforbunda i Trøndelag sendte 15.03.2016 klage til ESA over at Fosen vind fekk gratis tilkopling til Sentralnettet. Dette representerte ei kraftig subsidiering av akkurat dette prosjektet, og slik sett i strid med EUs regelverk. Etter ein del korrespondanse att og fram, avviste ESA klagen 24.04.2017. 

Brev til NVE og Miljødirektoratet 04.02.2020:

Naturvernforbundet viser til miljøinformasjonslova og ber om informasjon om omfanget av forureining med mikroplast frå vindkraftanlegg. Vi er bekymra for at dette kan gje eit vesentleg bidrag til forureining med mikroplast.

Det er kritisk for NorthConnect. Motstanden er aukande, og det er viktig å presentere kabelen som eit klimatiltak for å få konsesjon.

01.02.2020 hadde eg innleiing på seminar i Trondheim for Vassdragsvernrådet i Naturvernforbundet.

Målsettinga var å vise at storstilt satsing på energieffektivisering, både i forbruk og produksjon, gir nok tilgjengeleg fornybar elektrisitet til å fase ut fossil energi i Noreg utan fleire kraftverk. Det store problemet er at Noreg hittil ikkje har hatt vilje til å satse på energieffektivisering/ sparing. Viser også at investering i tiltak for energisparing kostar under halvparten pr spart kWh, samanlikna med vindkraft.

13.01.2020 var det seminar om EUs 4 energimarknadspakke for SV på Stortinget. Underteikna var blant foredragshaldarane, og argumenterte for å seia nei til fleire kablar.

  1. Skottlandskabelen NorthConnect vil gje auka CO2-utslepp
  2. Alternativ til vindkraft
  3. Hemmeleg forlenging av konsesjonstida for Smøla vindkraftverk
  4. Svakt om vindkraft frå Kristoffer Rypdal